أشهر جمل بيقولوها الأب و الأم في مصر

انت فاكرنا لاقين الفلوس ديـــ في الشارع .

* ما تتكلمش بصوت عالي في الحمام .

* والله ما انت فالح .. وادي دقني أهه .

* ما تنمش غير لما تغسل سنانك . *

ما تلزقش في التلفزيون كده .. نظرك هيضيع . *

سلم على عمك كويس يا ولد . *

يا ابني محدش هينفعك . *

ما تطلعش ايدك من الشباك .

* قصة الغريق الكاذب اللي كل مره يقول الحقوني ... لحد ما غرق بجد . *

ربنا يرزقك بعيل يوريك اللي ورتهوني .

* ما تطلعش على الملايه النظيفه و رجليك متوسخه كده .

* نسيت تشرب ؟ نسيت تاكل ؟ نسيت تاخد المصروف ؟ نسيت تعكنن عليا و على امك ؟

* طلع ايدك من جيبك و انت بتكلمني .

* ايه الا مبالاه و الاستهتار اللي انت عايش فيهم دول

. * قوم اقرا لك كلمتين ينفعوك . *

وطي المدعوق ده شويه .

* انت فاكرنا نايمين على ودانا ؟ * يا ابني انت مسطول ولا ايه ؟ * ما تلبسش القميص على اللحم زي العيال اللى مش كويسة .

* بلاش أكل بره .

* كلمنا لما توصل .

* عيـــب ... لازم تحترم اللي أكبر منك .

* لو شفت خناقه ما لكش دعوة بيها

. * لازم تأكل سلطه .

* اوعى تكدب عليا كده تاني مرره

. * اوعى حد غريب يديلك حاجه تاكلها و تشربها و تاخدها منه

. * يا ابني كلم خالتك العيانه اسأل عليها .

* بلاش لعب في الشارع .

* ما تعليش صوتك .

* وانت فاكر احنا مستنيين منك حاجه .

* المسلسل مش هينفعك ...قوم

. * ما تقعدش قدام المروحه وانت مستحمي .

* كفايه رغي في التليفونات

. * بلاش وقفة الشبابيك و البلكونات

. * اوعى تقول لحد هات لي حاجة

. * كل على مهلك .. وامضغ كويس ... وما تكلش وانت واقف .. وكل من قدامك ما تحفش . *

اطفي التلفزيون وقوم ذاكر .

أو اطفي التلفزيون و خش اوضتك .

* ربنا يهديك ربنا يهديك ... وأحيانا .. انك لا تهدي من أحببت . * صليت العصر ؟! *

ما تمشيش حافي في السقعة دي *

ما فيش مذاكرة على المزيكا .. أو .. بتذاكر إزاي و البتاع ده شغال جنبك .

* افرد ظهرك .

* ما تتأخرش بعد المدرسه و تقعد تهرج مع أصحابك .

* بص كويس و انت بتعدي الشارع .

* ومالها الكتب بتاعة الوزاره ؟!

* اللي بيشيل قربه مخرومة بتخر عليه لوحده ..

* لو مش فاهم حاجه ارفع ايدك و قول للأستاذ مش فاهم .. متتكسفش . *

تقعد في أول صف قدام السبوره .

* ما تردش عليا . * مش عايز اسمع صوت .

* مالكش دعوة بالسياسة .. وماتمشيش في مظاهرات .

* التهديدات المخيفة شكلا و الكارتونية مضمونا : مثل: هأقطم رقبتك أو هأقطع ايدك أو هأقطع لك لسانك أو هأدبحك دبح .

* و أخيرا :: ضرب امثلة تشجع على الكفاح و أشهرها أحد الأقارب اللي كان بيذاكر على لمبة جاز أو على عامود النور الي في الشارع و نجح وخد الدكتوراه وسافر أمريكا

ههههههههههههههههههههههههههه
صح والله

ايمن ايتو كتب:

ههههههههههههههههههههههههههه
صح والله

ميرسي يا ايمن علي مرورك ونورت ياباشا

MeRmAid كتب:

* قوم اقرا لك كلمتين ينفعوك . *
فعلاااااا ... بنسمع الجمل دي كتير .. بينها مشهورة اوووي ههههه

شكرا سويت

ميرسي يا ميرماااااااااااااااااااااااايد علي مرورك ونورت ياباشا

حوريـه من نـار كتب:

Sweet Boy كتب:

يا ابني محدش هينفعك . *

ربنا يرزقك بعيل يوريك اللي ورتهوني .

. * قوم اقرا لك كلمتين ينفعوك . *


* المسلسل مش هينفعك ...قوم


* كفايه رغي في التليفونات


* و أخيرا :: ضرب امثلة تشجع على الكفاح و أشهرها أحد الأقارب اللي كان بيذاكر على لمبة جاز أو على عامود النور الي في الشارع و نجح وخد الدكتوراه وسافر أمريكا

هههههههههههههههههههه

والله يا sweet BOY بجد جمل تزهق وبتتقال

ربنا يرحمنا بقي ... (( الخوف لا نقولها احنا لما نكبر ))

تصدقي ممكن يحصل الكلام ده
بس لو حصل وربنا ماعرفه

هههههههههههههههه


شكراااااااااا ايه الشهرة دى

the phoenix كتب:

هههههههههههههههه


شكراااااااااا ايه الشهرة دى

نعمل ايه بقي الزمن

omda hero كتب:

ههههههههههه
حلوة اوى
تحس انهم متفقين عليها الابهات كلهم والامهات
نفس الكلام ونفس وجع الدماغ
يلا ماعلينا معدتشي تفرق سينا من سونيا
نيس توبك يامان

ميرسي يا عمده
ونورت التوبيك

candy كتب:

هههههههههههه
لعلمك في منظمة بتحفظ الناس الجمل دي هههههههه

ههههههههههههههههههههههههه
ميرسي يا كاندي علي مرورك
ونورتي التوبيك